Gehien eta gutxien erabiltzen ditudan web guneak/tresnak

4.astea, 2.jarduera

Hurrengo jarduera honetan gehien erabiltzen ditudan (gehien gustatzen zaizkidanak) eta gutxien erabiltzen ditudan (gutxien gustatzen zaizkidanak) web guneak aipatuko ditut. Gainera, web gune hauek dituzten tresnak ere azalduko ditut. Gure ikaskuntza prozesurako erabiltzen ditugun webeko tresnei buruzko eztabaida sortzea eta esperientziak eta iritziak trukatzea espero dut.

Gehien erabiltzen dudan web gunea GOOGLE da. Honek tresna pila ditu lan egin ahal izateko:

    -Google (bilatzailea): Nahi duzuna webean bilatzeko.

    -Googledrive: Dokumentuak idazteko eta besteekin partekatzeko.

    -Gmail: email-ak bidaltzeko eta jasotzeko. Hau da, posta elektroniko zerbitzua.

    -Google+: Lagunen, familiaren, ezagunen…. pertsonen taldeak sortzeko eta kontaktuan egoteko.

     -Blogger: Blogak sortzeko.

     -Google images: Irudiak bilatzeko.

     -Google maps: Munduko edozein lekuko mapa bilatzeko. Gainera, GPS moduan erabil dezakezu.

     -Googlenews: Berriak bilatzeko.

                …

Asko erabiltzen dudan beste web gune bat: FACEBOOK da. Lagunekin eta familiarekin kontaktuan egoteko web gune oso ona delako. Argazkiak, albisteak, bideak, “egoerak”… parteka ditzakezu edozein mementoan, mugikorretan eta tabletetan ere izan dezakezulako facebook-ako aplikazioa. Gainera, jokuak ere baditu, beste pertsonen perfilak ikus ditzakezu, zure musika taldeko perfila ikus dezakezu eta bere azkeneko albisteak irakurri… 

Eta asko erabiltzen dudan azkeneko web gunea: MOODLE da. Unibertsitateko plataforma da, non lanak, apunteak, komentarioak… eskegitzen ditugun, bai irakasleak eta bai ikasleak. Tableta eta mugikorretik erabil dezakegun web gunea da, beraz, oso egokia edozein lekutatik apunteak irakurtzeko ala igotzeko. Irakasleak astero zer egin behar dugun eskegitzen dute, modu honetan, ezin zaigu ahaztu egin beharreko guztia. Gainera, notak eta komentario pribatuak ere igotzen dituzte irakasleek. Oso web gune egokia eguneratua egoteko eta klaseko lanak, komentarioak, notak… ikusteko.

Gutxien erabiltzen ditudan edo hainbeste gustatzen ez zaizkidan web guneak jarraian aipatuko ditudanak dira. Hasteko, WIKIPEDIA noizbait erabili dut, baina ez zait gustatzen edonork bertan informazioa gehitu ahal duelako eta horrek fidagarritasuna kentzen diolako web guneari.

Gutxi erabiltzen dudan beste web gune bat TUENTI da. 16-18 urte nituenean erabiltzen nuen, baina nerabeentzako sare soziala da. Serioagoa iruditzen zait facebook-a eta hau erabiltzen dut sarriago. Tuentian lagun pilo nituen, facebook-ean ere baditut, baina nagusiagoak eta serioagoak, nahiago dut azken hau nerabetasuna duela asko utzi dudalako atzean.

Eta aipatuko dudan azkeneko  tresna GOOGLE TRANSLATE (hiztegia) izango da. Ez da oso hiztegi fidagarria. Askotan egiten dituen itzulpenak okerrak direlako, batez ere euskaran. Hori dela eta, elhuyar edo beste hiztegi batzuk erabiltzea nahiago izaten dut. 

Laburbilduz, hauek dira gehien eta gutxien erabiltzen ditudan web guneak edo web-tresnak.